{
    "livre": "matthieu",
    "chapitre": 1,
    "versets": [
        {
            "numero": 1,
            "texte": "Yesu Klisi' é nuu Davi ginɛ́á, ke é zí nuu Ablam ginɛ́á láà, à bhɛ́mabò tɔ́ bhɛɛlé' lóii é."
        },
        {
            "numero": 2,
            "texte": "Ablam ké Izaaki kpɔ', le Izaaki' Zakɔbu kpɔ',"
        },
        {
            "numero": 3,
            "texte": "le Zakɔbu' Zuda ni à dóobò ni à lɔ́ɔ̀bò kpɔ', le Zuda' Falɛzi ni Zala kpɔ' Tamaa bhà, le Falɛzi' Ezolom kpɔ',"
        },
        {
            "numero": 4,
            "texte": "le Ezolom' Alam kpɔ', le Alam' Aminadabu kpɔ', le Aminadabu' Naason kpɔ', le Naason' Salamon kpɔ', le Salamon' Boazi kpɔ' Laabu bhà,"
        },
        {
            "numero": 5,
            "texte": "le Boazi' Zobedi kpɔ' Wuluti bhà, le Zobedi' Izai kpɔ',"
        },
        {
            "numero": 6,
            "texte": "le Izai' Davi kpɔ'. Le gwilinɛ Davi' Salomon kpɔ' Uli-à gɛɛn-nɔ̀ng bhà,"
        },
        {
            "numero": 7,
            "texte": "le Salomon' Woloboam kpɔ', le Woloboam' Abia kpɔ', le Abia' Azafu kpɔ',"
        },
        {
            "numero": 8,
            "texte": "le Azafu' Zozafa kpɔ', le Zozafa' Zolam kpɔ', le Zolam' Ozia kpɔ',"
        },
        {
            "numero": 9,
            "texte": "le Ozia' Zoatam kpɔ', le Zoatam' Akazi kpɔ', le Akazi' Ezekia kpɔ',"
        },
        {
            "numero": 10,
            "texte": "le Ezekia' Manase kpɔ', le Manase' Amon kpɔ', le Amon' Zozia kpɔ',"
        },
        {
            "numero": 11,
            "texte": "le Zozia' Zekonia ni à laànɛ́bò kpɔ' Izalae-bò lò nuanɛ̀ gi Babiloni tée gi le."
        },
        {
            "numero": 12,
            "texte": "Ang lò nuanɛ̀ gi Babiloni-yè láà à zìpieta, le Zekonia' Salatiɛli kpɔ', le Salatiɛli' Zolobabɛli kpɔ',"
        },
        {
            "numero": 13,
            "texte": "le Zolobabɛli' Abiyu kpɔ', le Abiyu' Eliakim kpɔ', le Eliakim' Azɔɔ kpɔ',"
        },
        {
            "numero": 14,
            "texte": "le Azɔɔ' Sadɔki kpɔ', le Sadɔki' Akim kpɔ', le Akim' Eliyudi kpɔ',"
        },
        {
            "numero": 15,
            "texte": "le Eliyudi' Eleazali kpɔ', le Eleazali' Matan kpɔ', le Matan' Zakɔbu kpɔ',"
        },
        {
            "numero": 16,
            "texte": "le Zakɔbu' Mali-à gɔɔn Zozɛfu kpɔ', le Mali-le' Yesu' wò à lee Klisi láà à kpɔ' le."
        },
        {
            "numero": 17,
            "texte": "È tò' kwɛi, ke é si' Ablam bhà, ke à bhɛɛ- nu flúúlé, ke è zin Davi bhà, Klisi láà à bhɛ́mabò yàkɔi ké to' buu-ni-wɛ́ɛ́-yisɛ. É si' zí Davi bhà, ke à bhɛɛ- nu flúúlé, ke è zin Izalae-bò lò nuanɛ̀ gi Babiloni-yè bhà, à bhɛ́mabò yàkɔi ké to' buu-ni-wɛ́ɛ́-yisɛ, le é si' zízí àng lò nuanɛ̀ gi Babiloni-yè bhà, ke à bhɛɛ- nu flúúlé, ke è zin à lekini bhà, à bhɛ́mabò yàkɔi' to' buu-ni-wɛ́ɛ́-yisɛ le. Yesu Klisi kpɔ́yè (Luki 2:1-7)"
        },
        {
            "numero": 18,
            "texte": "Yesu Klisi kpɔ́-kɔ̀ɔ̀' to' kɔɔ' gi, àle é. E nuu kwɛi, ke à laú Mali' woo wɩ́ɩ́ yàà Zozɛfu gɔ̀n-wùn-le bhà, kɛ́ ke àngbhà sua' òo woo tó do bhe le. Wó wo káá' wo' kwɛnggei, ke Mali ké gwíyèa le. Sée Aatana-à Waa Zaazaa gisɛ́lɛ́' nuu àleá le."
        },
        {
            "numero": 19,
            "texte": "Kɛ́ àbhà gɔɔn Zozɛfu' nuu' wo' wúnsɛ̀ kɛɛ-mɛ̀ɛ̀a láà, yàa nuu à pé, ke è Mali tɔ́ sie. Ale kɛɛ le é à yaa' e zʋʋ pé ye: é e kɔɔ góà à zì mɛnó tíibhà le."
        },
        {
            "numero": 20,
            "texte": "E woo tuàn e yáán wáláà à gi kwɛi, le é to' le é Gwilinɛ Kpáa-à kɩ́ɩ́la do ye' mia gi, ke e wɩ́ɩ́ii à nɛ̀ ye: Davi gbe Zozɛfu, síka òo tóà i gi Mali sì ke è tó ibhà lêá-wùn gi. Atoosiwo é nɛ́' à-gwì síyèa láà, è gò Aatana-à Waa Zaazaa' à pé le."
        },
        {
            "numero": 21,
            "texte": "È nɛ́ miɔnnɛ́' kpɔ́à láà, è à kpɔ̀', í à lee Yesu, atoosiwo nɛ́ láà àle bɔ́n góà Izalae-bò ka bhà le. (Sée wò à pè' wo Yesu, ke wo wɩɩ wo: mɛ̂ɛ la-mɛ̀ɛ̀.)"
        },
        {
            "numero": 22,
            "texte": "Wún láà àle tó' kɛ̀ɛ̀ kwɛi, ke Gwilinɛ Kpáa' wʋʋ' kpɔ' lii e wʋʋ léban-mɛ̀ɛ̀ ke bhà láà, àle gi-wùn- nù kɛɛ le."
        },
        {
            "numero": 23,
            "texte": "Atoosiwo e wɩɩ' ye: Ká ka káá' woà, ke loònɛ́' àa miɔn-wùn dɔn, ya tó gwíyèa, ke ya nɛ́ kpɔ́ miɔnnɛ́á. Nɛ́ láà wo à leeà wo Emanuɛli. Wò à pè' kwɛi, ke wo wɩɩ wo: Áàn dàà ko kpe gi-yè."
        },
        {
            "numero": 24,
            "texte": "Zozɛfu' gó-le wo' yi gi, Gwilinɛ Kpáa-à kɩ́ɩ́la' wún' pe' à nɛ̀ láà, é à gi-wùn kɛɛ' wo', le é ebhà lê láà à si', le é à yaa' e tà le."
        },
        {
            "numero": 25,
            "texte": "Kɛ́ e to' kwɛi flúúlé àngbhà sua òo nù tó do, le nɔ́ng láà é nɛ́ ye' miɔnnɛ́á, le Zozɛfu' à tɔ́ kpɔ' Yesu-á le."
        }
    ]
}